“Nigeriya ilə oyun həyati əhəmiyyət kəsb edir. Çünki bizim kimi rəqibin də növbəti mərhələ şansı olduğundan əllərindən gələni edəcəklər”. Apasport.az saytının məlumatına görə, bunu Argentina millisinin baş məşqçi Xorxe Sampaoli deyib.

O, DÇ-2018-in qrup mərhələsində Nigeriya ilə oyun öncəsi fikirlərini açıqlayıb. Vəziyyətlərinin ürəkaçan olmadığını deyən Sampaolinin sözlərinə görə, bu gün baş tutacaq görüşdə azarkeşlər ən yaxşı komandanı izləyəcəklər: “Yığmanın dünya çempionatına fərqli bir şəkildə davam edəcəyinə və 1/8 finala yüksəlmək üçün hər şey edəcəyinə tam əminəm. Xorvatiyaya məğlubiyyətdən lazımı nəticəni götürdüm. Ertəsi gün növbəti matçda mütləq qalib gələ biləcəyimizi düşündüyüm üçün Nigeriya ilə matça kökləndim. Əminəm ki, azarkeşlər ən güclü Argentinanı görəcəklər”.

Sampaoli mərhələ adlamaq üçün özünəinamın olmasının vacibliyindən də danışıb. O bildirib ki, növbəti qarşılaşmaların hamısında qalib gəlib, finalda oynamağı planlaşdırırlar.

Qeyd edək ki, qrupda qalma təhlükəsi ilə üzləşən Argentina bu gün Nigeriyaya mütləq qalib gəlməlidi. Onlar bunu bacaracaqları halda, Xorvatiya da İslandiyanı məğlub etməlidi. 

• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub