AVRO-2020-nin final mərhələsində iştirak edəcək daha bir komanda müəyyənləşib.

APA-nın məlumatına görə, buna İ qrupunda keçirilən VIII turun oyunları səbəb olub.

Kiprlə səfər oyununda qələbə qazanan Rusiya yığması qitənin ən nüfuzlu yarışına vəsiqəni təmin edib. Bu qrupda digər vəsiqəni Belçika qazandığından son iki tur formal xarakter daşıyacaq. Yalnız bu iki komanda arasında 1-ci yer uğrunda mübarizə gedəcək.

Belçika millisi isə ardıcıl 8-ci qələbəsini qazanıb. Tsikli 30 xalla başa vurmağı hədəfləyən komanda Qazaxıstandan güclü olub. Şotlandiya isə evdə San-Marinoya qalib gəlib.

Qeyd edək ki, Belçika və Rusiyadan başqa, İtaliya yığması da final mərhələsinə yüksəlib. Lakin digər iki komandadan fərqli appeninlilər 1-ci yeri təmin ediblər.

AVRO-2020-nin seçmə mərhələsi
VIII tur
13 oktyabr
İ qrupu
17:00. Qazaxıstan – Belçika – 0:2
Batşuayi, 21, Menye, 53
20:00. Şotlandiya – San-Marino – 6:0
Makqin, 12, 27, 45, Şankland, 65, Findley, 67, Armstronq, 86
20:00. Kipr – Rusiya – 0:5
Çerışev, 9, 90, Ozdoyev, 23, Dzyuba, 79, Qolovin, 86

Növbəti oyunlar noyabrın 16-da keçiriləcək: Kipr – Şotlandiya, San-Marino – Qazaxıstan, Rusiya – Belçika.

• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO