“Yarışın keçirilməsində əsas məqsəd idmanın kütləviliyinə nail olmaq, eyni zamanda sağlam həyat tərzini təbliğ etməkdir”.

Apasport.az xəbər verir ki, bu sözləri gənclər və idman naziri Fərid Qayıbov jurnalistlərə açıqlamasında deyib.

O, “Üzgüçülük hamı üçün” turnirinin dördüncü dəfə təşkil olunduğunu bildirib: “Yarışda həvəskar idmançılar da iştirak edirlər. Bölgələrdəki hovuzlarda fərqlənən idmançılar növbəti ilin yanvar ayında keçiriləcək final mərhələsinə vəsiqə qazanacaqlar. Sevindirici haldır ki, artıq üçüncü dəfədir qardaş ölkə Türkiyədən olan idmançılar da turnirdə çıxış edirlər. Arenadan da göründüyü kimi, yarışa maraq böyükdür”.

Qeyd edək ki, hər yaş kateqoriyası üzrə (kişilər və qadınlar) ilk iki yeri tutan idmançılar 2026-cı ildə türk dövlətləri arasında keçiriləcək "Üzgüçülük hamı üçün" turnirinin final mərhələsinə vəsiqə qazanacaqlar. Yarışlara dekabrın 21-də yekun vurulacaq.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb