Gəncədə anşlaq olacaq - Bütün biletlər satıldı
20.11.2026 - 22:55
Gəncədə anşlaq olacaq - Bütün biletlər satıldı

Noyabrın 22-də Misli Premyer Liqasının XII turu çərçivəsində keçiriləcək "Kəpəz" - "Qarabağ" oyununa bütün biletlər satılıb.

Apasport.az xəbər verir ki, bu barədə "Kəpəz"in rəsmi saytı məlumat verib.

Bildirilib ki, 15363 yerlik Gəncə şəhər stadionunda təşkil olunacaq matçda mövsümün yeni rekordunun qeydə alınacağını gözlənilir.  Məlumata görə, hazırda nə onlayn platformada, nə də fiziki kassada bilet qalıb. 

Bununla əlaqədar olaraq, Gəncə şəhər stadionunun kassaları  qarşıdakı günlərdə bağlı olacaq. 

Xatırladaq ki, "Kəpəz" - "Qarabağ" görüşü noyabrın 22-də keçiriləcək və saat 17:00-da başlayacaq.