Krakov-2023 III Avropa Oyunlarında atıcılıq yarışları davam edir.

Apasport.az saytının məlumatına görə, bu gün tapança ilə 25 m məsafədən atəş açan kişi snayperlər dəqiqliyini yoxlayır. 

Azərbaycan təmsilçisi Ruslan Lunyov yarışda çıxışını başa vurub. Təsnifat mərhələsində 600 mümkün xaldan 581-ni toplayan atıcımız 6-cı yeri tutub.

O, final mərhələsinə yüksələn 8 snayper arasında qərarlaşıb. Bu raund iki hissədən ibarət olub.

Snayperlər öncə iki “dördlük”də yarışaraq mükafatlar uğrunda mübarizə aparanları müəyyənləşdirib. Lunyov ikinci “dördlük”də 9 xal toplayaraq sonuncu olub və medal şansını itirib.

Qeyd edək ki, yarışın mükafatçıları bu gün bəlli olacaq.
 

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib