“Artıq əsas işimizi edə bildik. Qrupda oynayacağıq”. 

Apasport.az saytının məlumatına görə, bunu “Qarabağ”ın futbolçusu Maksim Medvedev deyib. 

Komandanın kapitanı sabah Avropa Liqasının qrupunda qarşılaşacaqlar Norveç “Molde”si ilə görüşə hazırlığı dəyərləndirib. O bildirib ki, komandanın uğur qazanması üçün bu il yaxşı imkanı var: “İstifadə edə bilərik. Futbolçular hər şeyi edəcəklər ki, daha da irəliləyək. Hazırda komandada elə atmosfer yaranıb ki, hamı oynamaq istəyir, heyət genişlənib. Məşqdə də görünür ki, hamı meydana çıxmağa hazırdır. İnanıram ki, belə həvəslə bu il daha böyük şey edə biləcəyik".

Medvedev bildirib ki, az oynasa da, formasını saxlamaq üçün çalışır: “Ola bilsin ki, az oynayıram. Amma daim komanda ilə birlikdəyəm. Çalışıram ki, özümü yaxşı performansda saxlayım. Oyunda ala bilmədiklərimi məşqdə edirəm. Uzun müddət böyük oyunlar oynamasam da, təcrübəm var, beynimdə hər şey qalıb. Uşaqlara baxanda da, analiz edirəm. Daim özümü oyundakı kimi saxlayıram. Fiziki durumumu isə məşqdə düzəldirəm”.
 

• Rauf Əliyev “Sabah”a inanır: “Eyni ssenari təkrarlana bilər”
• “Sabah”ın oyunu ilə əlaqədar metronun iş vaxtı 1 saat uzadılacaq
• “Sumqayıt”ın futbolçusu gileylidir: Müqaviləm olduğu halda komandada görülmürəm
• Dambrauskas inamlıdır: "Biz hazırıq"
• Rəhim Həsənov: "Turan"ın sayılmayan qolunda aşkar görüntü yox idi"