Qadınlardan ibarət U-19 və U-17 yığmaları arasında Avropa çempionatının seçmə mərhələsinin püşkü atılıb.

Apasport.az xəbər verir ki, bunu AFFA-nın mətbuat xidməti açıqlayıb.

19 yaşadək qadın futbolçulardan ibarət Azərbaycan milli komandasının final mərhələsi 2025-ci ildə Litvada təşkil olunacaq Avropa çempionatının ilkin seçmə mərhələsində mübarizə aparacağı rəqibləri müəyyənləşib. Millətlər Liqası formatında təşkil olunan seçmə mərhələ oyunlarında millimiz 4-cü qrupda Monteneqro, Bolqarıstan və Latviya yığmaları ilə mübarizə aparacaq. Bu qrupun oyunları 2024-cü ilin 3, 6, 9 aprel tarixlərində Latviyada təşkil olunacaq. İlkin mərhələdə B Liqasının qrup qalibləri A Liqasına vəsiqə qazanacaq.

Final mərhələsi 2025-ci ildə İsveçdə təşkil olunacaq 17 yaşadək qadın futbolçulardan ibarət komandaların Avropa çempionatının ilkin seçmə mərhələsinin də püşkü atılıb. Millimiz B Liqasında Bolqarıstan, Sloveniya və Moldova yığmaları ilə birlikdə 2-ci qrupda yer alıb. Bu qrupun oyunları gələn il 14, 17, 20 mart tarixlərində Bolqarıstanda keçiriləcək.
 

• Bu klublara avrokuboklarda iştirak üçün lisenziya verilib
• Lisenziya Komissiyası "Qəbələ", "İmişli" və "Karvan" barədə qərar verdi - Yeni mövsümdə...
• “Qarabağ” “Araz Naxçıvan”ı darmadağın etdi – 12:0
• Latviya - Azərbaycan oyununun biletləri satışa çıxarılıb
• Leandro Qomeş: "Azərbaycanın “Karvan” kimi klublara ehtiyacı var"