"Neftçi" Türkiyənin Antalya şəhərində keçirilən ikinci yoxlama oyununda məğlub olub.

Apasport.az xəbər verir ki, "Neftçi" Polşa Ekstraklasasının debütantı "Meç"lə oyunda Ağadadaş Salyanski ilə 15-ci dəqiqədə hesabda öndə olsa da, polyaklar geridönüş edə bilib.

Leqnitsa şəhərinin təmsilçisinin çilili hücumçusu Anqelo Enrikes 49 və 53-cü dəqiqələrdə qol vuraraq "Meç"ə 2:1 qələbə qazandırıb. Yanvarın 19-da "Neftçi" sonuncu yoxlama oyununda "Srvena Zvezda" ilə qarşılaşacaq.

Qeyd edək ki, "Neftçi" ilk yoxlama matçında Macarıstanın "Vaşaş" komandası ilə 1:1 heç-heçə etmişdi.