"Neftçi"dən 5 gün öncə ayrılan Kenni Sayefin yeni klubu bəlli olub.

Apasport.az xəbər verir ki, 30 yaşlı israilli yarımmüdafiəçi karyerasını ölkəsində davam etdirəcək.

Belə ki, o, Hayfa "Makkabi"sinə keçib. İsrail klubu bu barədə sosial şəbəkə hesablarında məlumat yayıb. Sayeflə 2 illik müqavilə imzalanıb.

Xatırladaq ki, Kenni 2022-ci ilin yayından "Neftçi"də çıxış edirdi. Onun Bakı klubundan şəxsi məsələlərə görə ayrıldığı bildirilmişdi.