Peşəkar Futbol Liqası (PFL) və “YAŞAT” Fondu arasında anlaşma memorandumu imzalanıb.

Apasport.az PFL-in rəsmi saytına istinadən xəbər verir ki, memoranduma əsasən, şəhid övladlarına diqqət və qayğının göstərilməsi və artırılması, onlar arasında sağlam həyat tərzinin təbliği istiqamətində birgə fəaliyyət əməkdaşlığın əsas məqsədi kimi müəyyən edilib.

Tərəflər öz səlahiyyətləri daxilində fəaliyyət sahələrinə uyğun olaraq qarşılıqlı faydalı, uzunmüddətli və səmərəli əlaqələrin qurulması və inkişafı üçün əməkdaşlıq etmək və bu istiqamətdə fəaliyyətlərinin koordinasiyası barədə razılığa gəliblər. PFL bu anlaşmaya əsasən öz bayrağı altında keçirilən oyunlarda (yarışlarda) şəhid övladlarının oyunçularla xüsusi günlərdə (anım günlərində) meydana çıxmasının, o cümlədən onların iştirakının müxtəlif formada təmin edilməsi, şəhid övladları üçün birgə yay düşərgələrinin təşkili, onların arasında sağlam həyat tərzinin, vətənpərvərliyin təbliği yönündə çalışma öhdəliyi götürüb.

Memorandumu PFL prezidentinin səlahiyyətlərini müvəqqəti icra edən Elgiz Abbasov və “YAŞAT” Fondunun rəhbəri Elvin Hüseynov imzalayıblar.

• Prezident İlham Əliyev U-15 dünya çempionatının təşkili barədə Sərəncam imzalayıb
• "Zaqatala" baş məşqçisi ilə yollarını ayırdı – 9 illik yolun sonu
• Yoxlama matçı: "Turan Tovuz" "Fatih Karagümrük"ə qarşı
• Kamal Umudluya avrokubok təyinatı – Albaniyada fit çalacaq
• “Apasport”un əməkdaşları futbol turnirinin qalibi oldular