UEFA Avropa Liqasının qrup mərhələsinin 5-ci tur matçlarından sonra həftənin ən yaxşı futbolçusu adına namizədlər məlum olub.

Apasport.az xəbər verir ki, bu siyahıda 4 futbolçu yer alıb.

Mükafata İngiltərənin “Liverpul” klubundan Kodi Qakpo, Fransanın “Marsel” komandasından Pyer-Emerik Obameyanq, Almaniya təmsilçisi “Frayburq”dan Mixael Qreqoritş və Norveç “Molde”sindən Kristian Eriksen iddia edilir. Norveçli yarımmüdafiəçi Eriksen məhz “Qarabağ”la qarşılaşmada iki qolla yadda qalıb.

Qeyd edək ki, qalib UEFA-nın rəsmi saytında keçirilən səsvermə yolu ilə bəlli olacaq.