DÇ-2018-in 1/8 final mərhələsindən sonra “Qızıl dubl”a iddiaçıların sayı 4-ə enib. Apasport.az saytının məlumatına görə, UEFA eyni ildə dünya çempionu və Çempionlar Liqasının qalibi adını qazanmağa namizədlərin sayını açıqlayıb.

“Real”ın heyətində Avropanın ən nüfuzlu klub turnirini qazanan oyunçulardan dördü mundialda mübarizəni davam etdirir. Bunlar Rafael Varan (Fransa), Kazemiro, Marselo (hər ikisi Braziliya) və Luka Modriçdi (Xorvatiya).

İndiyədək yalnız 8 futbolçu belə uğura imza atıb. Sonuncu xoşbəxt Roberto Karlos olub. O, 2002-ci ildə “Real”la Çempionlar Liqasını, Braziliya ilə DÇ-ni qazanıb. 1998-ci ildə Kristian Karambö “Real” və Fransa yığması ilə qalib gəlib.

1974-cü ildə isə “Bavariya” və Almaniya ilə dubla imza atanların sayı 6 nəfər olub. Bunlar Zepp Mayer, Pol Braytner, Hans-Georg Şvartsenbek, Frants Bekkenbauer, Herd Müller və Uli Hönessdi.

• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub