Azərbaycan Tatarıstanın paytaxtı Kazan şəhərində keçirilən "BRICS Sports Games Kazan 2024" beynəlxalq multi-idman oyunlarında daha 1 medal qazanıb.

Apasport.az xəbər verir ki, qılıncoynatmanın sablya növü üzrə qadınlardan ibarət komandamız bürüncə sahib çıxıb.

Sevil Bünyatova, Valeriya Bolşakova, Valentina Zeynalova və Fərəh Abbasovadan ibarət milli ilk görüşdə Hindistanı 45:23 hesabı ilə üstələsə də, yarımfinalda turnirin qalibi Rusiya yığmasına 19:45 hesabı ilə məğlub olub.

Qadın sablyaçılarımız üçüncü yer uğrunda keçirilən görüşdə Belarusa 45:30 hesabı ilə qalib gəlib.

Bununla da Azərbaycan idmançılarının Oyunlarda qazandığı medalların sayı 25-ə yüksəlib. Komandamızın hesabında 4 qızıl, 7 gümüş və 14 bürünc mükafat var.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM