Azərbaycan yığmasının şahmatçısı Vasif Durarbəylinin komanda yoldaşı Teymur Rəcəbov haqda paylaşımı böyük marağa səbəb olub.

Apasport.az saytının məlumatına görə, Rəcəbovun 44-cü Ümumdünya Şahmat Olimpiadasında millinin heyətində iştirakdan imtinası barədə Durarbəylinin fikirlərinə digər komanda yoldaşı Şəhriyar Məmmədyarov da münasibət bildirib.

O, Teymurun imtinasından sonra Azərbaycan yığmasının zəifləməsi və medal şansının azalması barədə fikirlə razılaşmayıb: “Məncə, bizim şansımız belə də yaxşıdır. Nə olub bizə, şir kimi oğlanlarıq. Narahat olma, əlimizdən gələni edəcəyik. Mən sizə və özumə inanıram”.

Qeyd edək ki, Vasif Durarbəyli bu gün sosial şəbəkədəki paylaşımı zamanı Teymur Rəcəbovun Hindistanda keçiriləcək Ümumdünya Şahmat Olimpiadasında iştirakdan imtina etdiyini yazıb və komanda yoldaşını bu addımına görə qınayıb.
 

• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib