"Slaviya" UEFA Çempionlar Liqası Liqa mərhələsinin II turu çərçivəsində Baklı Olimpiya Stadionunda "Sabah"ın qonağı olacaq.

Apasport.az xəbər verir ki, Praqa təmsilçisinin futbolçusu Tomaş Vlçek matçdan öncə keçirilən mətbuat konfransında jurnalistlərin suallarını cavablandırıb:

- Çempionlar Liqasında sonuncu dəfə 17 il əvvəl qalib gəlmisiz.. 
- Təzyiqlər bizə mane olmur. “Lans”la ÇL matçından sonra yaxşı nəticələr göstərdik. Düşünürəm ki, o oyunda baş verənlər bizə müsbət təsir göstərdi. Komandamız Çempionlar Liqasında qalib gəlməyə layiqdir. 

- Oyundan əvvəl komanda yoldaşlarınız çox iddialı danışıb. Düşünmürsüz ki, bu amil rəqibə daha çox motivasiya verər və sizə mənfi təsir göstərər? 
- Uzun müddətdir ki, Çempionlar Liqasında qalib gəlmirik. Bu, bizi motivasiya edir.  Buradan qələbə ilə qayıtmaq istəyirik.

- Bir çox azarkeş və bukbemerlərin təhlilinə görə favorit sizsiniz. Bu haqda nə düşünürsüz? 
- “Sabah” çox güclü rəqibdir. Təsnifat mərhələlərində gözəl oynadılar. Rəqibimiz çox səviyyəli komanda hesab olunur. Hamı kimi mən də düşünürəm ki, çox gözəl futbol sərgiləyirlər. Təbii ki, rəqib güclü komandadır. Lakin var gücümüzlə oyuna hazırlaşmışıq.

• Rəhman Daşdəmirov: “Xalqımızı sevindirməyə çalışacağıq”
• “Qarabağ”da ayrılıq - RƏSMİ
• match.affa.az platformasının təqdimatı keçirilib
• "Kəpəz" 300-cü qələbəsini qazanıb
• Amin Seydiyev üçün əlamətdar matç