Belçika Futbol Federasiyası millinin baş məşqçisi Domeniko Tedesko ilə yeni müqavilə imzalayıb.

Apasport.az xəbər verir ki, bu barədə qurumun mətbuat xidməti məlumat verib.

Tərəflər arasında 2026-cı ilə qədər qüvvədə olan müqavilə imzalanıb.

Xatırladaq ki, 38 yaşlı almaniyalı 2023-cü ilin fevralından “qırmızı şeytanlar”ın baş məşqçisidir.

Belçika millisi mart ayında iki yoldaşlıq oyunu keçirəcək. Tedeskonun komandası əvvəlcə İrlandiya millisi, daha sonra isə İngiltərə ilə qarşılaşacaq.