Türkiyə millisinin sabiq futbolçusu Ersen Martin 44 yaşında dünyasını dəyişib.

Apasport.az xəbər verir ki, aorta yırtığı səbəbindən əməliyyat olunan Ersen Martin uzun müddət idi ki, müalicə alırdı. Martin martın 10-da intubasiya edilib.

Futbolçu karyerasında "Beşiktaş" və "Trabzonspor" da daxil olmaqla bir çox komandada forma geyinən Ersen Martin 4 dəfə millinin formasını geyinib.

O, klub karyerası ərzində 371 rəsmi oyuna çıxıb, 101 qol vurub və 27 məhsuldar ötürmə verib.

2004-cü ildə ilk dəfə milli komanda ilə matça çıxan Ersen 4 oyunda milli formanı geyinsə də, qol sevinci yaşaya bilməyib.