2022-ci ilin qış Olimpiadasının keçirilməsi üçün 5 şəhər namizədliyini irəli sürüb. Apasport.az saytının məlumatına görə, Beynəlxalq Olimpiya Komitəsi bu şəhərlərin Krakov (Polşa), Oslo (Norveç), Alma-Ata (Qazaxıstan), Lvov (Ukrayna) və Pekin (Çin) olduğunu açıqlayıb.

BOK-un işçi qrupu bu şəhərlərin ərizə kitablarını araşdıracaq. İcraiyyə komitəsi isə 7-9 iyul tarixində hansı şəhərlərə rəsmi namizəd-şəhər statusunun verilməsi ilə bağlı qərar çıxaracaq. Seçimdən keçən şəhərlər 2015-ci il yanvarın 7-də yekun ərizə təqdim etməlidirlər. Bu zaman ərizə dövlət təminatı ilə təsdiq olunmalıdır.

2022-ci il Olimpiadasının harada keçiriləcəyi ilə bağlı qərar 2015-ci il iyulun 31-də BOK-un Malayziyadakı növbəti sessiyası zamanı açıqlanacaq.

Xatırladaq ki, 2018-ci il qış Olimpiadası Cənubi Koreyanın Pxençxan şəhərində keçiriləcək.

• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"
• “Gözünüz aydın, kişilər, müharibə bitdi” – Daşqın Əzizin müharibə xatirələri