“Bakıda atletika üzrə belə böyük turnirin keçirilməsi idmançılarımızı sevindirir. Bu bizi daha yaxşı çıxış etməyə məcbur edir”. Apasport.az saytının məlumatına görə, bunu Bakıda keçirilən atletika üzrə Avropa Təsnifat Turnirinin ikinci günündə şüvüllə tullanmada finala vəsiqə qazanan Yelena Qladkova deyib.

Yığmamızın lideri jurnalistlərə açıqlamasında yarışla bağlı təəssüratlarını açıqlayıb. O bildirib ki, iki cəhddə uğursuzluq hərəkəti düzgün yerinə yetirmə bilməməsindən irəli gəlib: “Sonradan toparlanaraq lazımi nəticəni qazandım. Finalda mübarizə daha çətin olacaq. Amma mümkün qədər uğurlu çıxış etmək istəyirəm. Əsas məqsədlərdən biri Çində keçiriləcək yeniyetmələrin 2-ci Olimpiya Oyunlarına lisenziya qazanmaqdır. Məşqçilərin gözləntilərini həyata keçirmək üçün bütün diqqətimi sabaha yönəltmişəm”.

Qeyd edək ki, şüvüllə tullanmada final mərhələsi sabah keçiriləcək.

• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub