Ukraynanın Lvov şəhərində keçirilən boks üzrə yeniyetmələr arasında Avropa birinciliyində yarımfinalçıların adları məlum olub. Apasport.az saytının məlumatına görə, milli komandamızın 6 üzvü yarımfinala vəsiqə qazanaraq, ən azı bürünc medalı özlərinə təmin ediblər.

70 kq çəki dərəcəsində mübarizə aparan Səid Məlikov 1/4 finalda litvalı Lukas Petrauskasdan üstün olub – 3:0. Boksçumuz finala gedən yolda Belarus nümayəndəsi Yeqor Skamaroxla üz-üzə gələcək.

Məhəmməd Abdullayev də (+80 kq) yarımfinalçılar arasına yüksəlib. Milli komandamızın üzvü rumıniyalı Konstantin Emanuel Mikanı məğlub edib – 3:0. Abdullayev yarımfinalda Gürcüstanı təmsil edən Artyum Yordanyanla qarşılaşacaq.

Kənan İsmayılzadə (75 kq), Kənan Əliyev (46 kq) 1/4 finalda mübarizəni dayandırıblar.

Beləliklə, mayın 22-də keçiriləcək yarımfinalda rinqə çıxacaq boksçularımız və rəqibləri belədi:

48 kq. Cavid Hüseynov – Lorkan Harleks (İrlandiya)

52 kq. Niyaməddin Allahverdiyev – Deklin Daff (Şotlandiya)

70 kq. Səid Məlikov – Yeqor Skamarox (Belarus)

54 kq. Orxan Həsənov – İvan Kozyar (Ukrayna)

60 kq. Bəxtiyar Qazıbəyov – Koryan Asteyan (Ermənistan)

+80. Məhəmməd Abdullayev – Artyum Yordanyan (Gürcüstan)

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə