[b]“Formula-1”: Azərbaycan Qran-prisi lideri dəyişmədi[/b]

26.06.2017 - 11:41

Bakıda keçirilən “Formula-1” üzrə Azərbaycan Qran-prisində qeydə alınan nəticələr lider dəyişikliyinə səbəb olmayıb. Apasport.az saytının məlumatına görə, paytaxtımızda baş tutan VIII mərhələnin qalibi adını Daniel Rikkardo (“Red Bull”) qazansa da, ümumi siyahıya yenə “Ferrari”nin pilotu Sebastiyan Fettel başçılıq edir.

O, Bakı trasında centlmen hərəkəti ilə yadda qalmasa da, titul uğrunda mübarizəsini davam etdirir. Fettel ikinci pillədə qərarlaşan Luis Hamiltonla (“Mercedes”) xal fərqini 14-ə çatdırıb. İlk “üçlüy”ü Bakıda ikinci olan Valterri Bottas (“Mercedes”) qapayır. Azərbaycan Qran-prisində üçüncü olan Lens Stroll (“Williams”) 12-ci yerə qalxıb.

Mövsümdə ilk qələbəsini paytaxtımızda qazanan Rikkardo isə 4-cü pilləyə yüksəlib. O, bu yeri VIII mərhələdə mübarizəni başa vura bilməyən Kimi Raykkonendən təhvil alıb.

"Formula-1": pilotların yarışı
№	Pilot	Komanda	Xal
1	Sebastyan Fettel	Ferrari	153
2	Luis Hamilton	Mercedes	139
3	Valtteri Bottas	Mercedes	111
4	Daniel Rikkardo	Red Bull	92
5	Kimi Raykkonen	Ferrari	73
6	Maks Ferstappen	Red Bull	45
7	Serxio Peres	Force India	44
8	Esteban Okon	Force India	35
9	Karlos Sayns	Toro Rosso	29
10	Felipe Massa	Williams	20
11	Niko Hülkenberq	Renault	18
12	Lens Stroll	Williams	17
13	Kevin Maqnussen	Haas	11
14	Roman Qrojan	Haas	10
15	Paskal Verlayn	Sauber	5
16	Daniil Kvyat	Toro Rosso	4
17	Fernando Alonso	McLaren	2