Taekvondo üzrə Azərbaycan millisi Cənubi Koreyanın Muju şəhərində keçirilən dünya çempionatı ilk medalını qazanıb. Apasport.az saytının məlumatına görə, komandamıza mükafatı Məhəmməd Məmmədov qazandırıb.

63 kq çəki dərəcəsində mübarizə aparan idmançı 3-cü yerlə kifayətlənib. O, yarımfinalda iranlı Mirhaşim Husseynə məğlub olub.

Məmmədov bir gün baş tutan ilk görüşlərdə isə Sərdar Tahirovu (Özbəkistan) 10:3, ardınca Maktar Əl Məhəmməd Diaonu (Seneqal) 26:6 hesabı ilə məğlub edib. Həmyerlimiz 1/8 finalda portuqaliyalı Nuno Kosta üzərində də inamlı qələbə qazanıb – 35:17.

O, yarımfinala gedən yolda Bolat İzutdinovla (Rusiya) üz-üzə gəlib. Taekvondoçumuz bu döyüşü də aktivinə yazıb. O, rəqibini 11:7 hesabı ilə məğlub edib.

Qeyd edək ki, bu gün Milad Beiqi Harçeqani (80 kq) də yarımfinala yüksəlib. O, final üçün moldovalı Aaron Kukla qarşılaşacaq.

• Formula-1: Azərbaycan Qran-prisinin vaxtı dəyişdirilib
• Bakıda Padel tennis üzrə beynəlxalq yarışın qalibləri mükafatlandırılıb
• ABŞ-də yaşayan azərbaycanlı peşəkar hokkeyçidən Bakıda ustad dərsi
• Anar Ələkbərov Beynəlxalq Avtomobil Federasiyasının Senatına üzv seçilib
• Azərbaycan Üzgüçülük Federasiyasında yeniliklər olub