Hollandiya millisinin sabiq baş məşqçisi Lui van Qal Rusiyada keçiriləcək futbol üzrə 2018-ci il dünya çempionatı haqqında fikirlərini bölüşüb. Apasport.az saytının “De Telegraaf”a istinadən məlumatına görə, holland mütəxəssis mundialda çıxış edəcək komandaların əksəriyyətinin müdafiə futboluna üstünlük verəcəyini deyib.

“Dünya çempionatından baxımlı futbol gözləməyə dəyməz. Mən belə düşünürəm. Zənnimcə, məşqçilərin əksəriyyəti zona müdafiəsindən istifadə edəcəklər. Başqa sözlə desəm, komandalar “avtobus futbolu” oynayacaqlar. Hamı başa düşür ki, belə bir oyuna tamaşa etmək əyləncəli deyil. Hətta ən yaxşı komandalara belə, bu tip müdafiələri yarmaq çətin olacaq” – deyə, Lui van Qal bildirib.

Qeyd edək ki, dünya çempionatına iyunun 14-də start veriləcək.

• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub