Azərbaycanın daha bir idmançısı dopinqdə “ilişib”. Apasport.az-ın Hollandiyanın wielerflits.nl saytına istinadən məlumatına görə, yığmamızın və “Synergy Baku”nun milliləşdirilmiş legioneri Maksim Averinin orqanizmində istifadəsi qadağan olunan maddə tapılıb.

Belə ki, ötən ay ondan götürülən analiz müsbət nəticələnib və velosipedçinin meldoni preparatından faydalandığı üzə çıxıb.

Bu səbəbdən də onun beynəlxalq yarışlardakı iştirakına qadağa qoyulub. B probunun nəticəsindən asılı olaraq, Averinlə bağlı yekun qərar veriləcək.

Qeyd edək ki, Avropa Oyunlarında start xəttinə çıxmayan Averin Rio-2016-da finişə çatmamışdı. Komandamızın 32 yaşlı lideri Fransadakı Avropa və Qətərdəki dünya çempionatında da yarışı yarımçıq tərk etmişdi. 

Ölkəmiz bunadək güləş, cüdo, ağırlıqqaldırma, atletika, futbol kimi növlərdə də dopinq qalmaqalı ilə üzləşib

• III Xankəndi Ultramarafonu: İlk mərhələnin qalibləri bəlli olub
• Azərbaycan və Rusiya milliləri Bakıda birgə toplanış keçir
• Bakı-Xankəndi Azərbaycan Velosiped Yarışının 2027-ci il tarixi açıqlanıb
• MOK-da Belarus Olimpiya Komitəsinin prezidenti ilə ikitərəfli tərəfdaşlıq müzakirə olunub
• Azərbaycan Qran-prisi rekordlarla yadda qalıb - FOTO