“Qarabağ”ın müdafiəçisi Yakub Jezniçak dünya çempionatında iştirak edə bilməyəcək. Apasport.az saytının Polşa mətbuatına istinadən məlumatına görə, o, bu ölkənin yığma komandasının ilkin siyahısına düşməyib.

Polşa millisinin baş məşqçisi Adam Navalka mundial öncəsi 35 nəfərlik siyahı açıqlayıb. 61 yaşlı çalışdırıcı məhz həmin oyunçular arasında seçim aparacaq. Yekunda 12 nəfər siyahıdan çıxarılacaq və dünya çempionatına yollanacaq “23-lük” müəyyənləşəcək. Jezniçak isə dəvətlilər arasında olmayıb.

Polşa millisinin ilkin heyəti belədi:

Qapıçılar: Lukaş Fabyanski (“Suonsi”, Uels), Voyçex Şesnı (“Yuventus”, İtaliya), Lukaş Skorupski (“Roma”, İtaliya), Bartoş Byalkovski (“İpsviç”, İngiltərə)

Müdafiəçilər: Lukaş Pişek (“Borussiya”, Dortmund, Almaniya), Kamil Qlik (“Monako”, Fransa), Matsey Rıbus (“Lokomotiv”, Moskva, Rusiya), Artur Endjeyçik, Mixal Pazdan (hər ikisi “Legiya”), Tiaqo Çionek (“Spal”, İtaliya), Bartoş Bereşinski (“Sampdoriya”, İtaliya), Marçin Kaminski (“Ştutqart”, Almaniya), Tomaş Kendzyora (“Dinamo”, Kiyev, Ukrayna), Yan Bednarek (“Sauthempton” İngiltərə)

Yarımmüdafiəçilər: Yakub Blaşikovski (“Volfsburq”, Almaniya), Kamil Qrosiçki (“Hall Siti”, İngiltərə), Qjeqoj Krıxovyak (“Vest Bromviç”, İngiltərə), Slavomir Peşko (“Lexiya”), Pyotr Zielinski (“Napoli”, İtaliya), Kşiştof Maçzinski, Sebastyan Şimanski (hər ikisi “Legiya”), Karol Linetti (“Sampdoriya”, İtaliya), Maçey Makuşevski (“Lex”), Yaçek Qoralski (“Ludoqorets”, Bolqarıstan), Rafal Kurzava, Damian Kadzior, Şimon Zurkovski (hamısı “Qurnik”), Pavel Davidoviç (“Palermo”, İtaliya), Pjemişlav Frankovski (“Yagelloniya”)

Hücumçular: Robert Levandovski (“Bavariya”, Almaniya), Arkadiuş Milik (“Napoli”, İtaliya), Lukaş Teodorçuk (“Anderlext”, Belçika), Kamil Vilçek (“Brondbü”, Danimarka), David Kovnaçki (“Sampdoriya”, İtaliya), Kşiştof Pyontek (“Krakovya”).

Qeyd edək ki, Polşa yığması dünya çempionatında Seneqal, Yaponiya və Kolumbiya ilə bir qrupda mübarizə aparacaq.

• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub