Bakı şahmat Olimpiadasının ilk turu bir sıra aparıcı qrossmeysterlərin iştirakı olmadan keçiriləcək. Apasport.az saytının məlumatına görə, turnirin favoritlərindən sayılan yığmalar liderlərinə elə ilk turda istirahət veriblər.

Buna səbəb İsveçrə sistemi ilə keçirilən yarışın ilk turunda güclülərin əsasən zəiflərlə qarşılaşmasıdı. Ulduzların növbəti 10 tur üçün qüvvəsini qoruyan iddialılar həm kişi, həm də qadınların mübarizəsində bu addımı atıblar. Rusiya Vladimir Kramnikə, Ukrayna Pavel Elyanova, Norveç Maqnus Karlsenə, ABŞ isə Fabiano Karuanaya istirahət verib.

Qadınların turnirində isə çinli Xou İfan, ukraynalı Anna Muzıçuk, gürcü Nana Dzaqnidze və rusiyalı Valentina Qunina oynamayacaq.

Qeyd edək ki, Azərbaycan Zimbabve ilə qarşılaşmasına baxmayaraq, əsas heyətlə oynayacaq.

• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək