İyunun 12-28-də Bakıda keçiriləcək ilk Avropa Oyunlarının çimərlik voleybolu yarışlarında iştirak etməli olan polşalı Mariuş Prudel ölkəmizə gələsi olmayıb. Apasport.az saytının məlumatına görə, buna səbəb 2013-cü ildə Avstriyada keçirilən qitə çempionatının bürünc mükafatçısının zədələnməsidi.

Belə ki, 2 il öncə Qjeqoj Fiyaleklə cütlük təşkil edərək, fəxri kürsüyə yüksələn ölkəsinin aparıcı voleybolçusu üçün ümumilikdə 2015-ci il bitib. Çünki ayaq barmaqları qırılan Prudelin tezliklə karyerasını bərpa etməsi mümkün deyil.

London Olimpiadasında 5-ci olan Prudel – Fiyalek cütünü paytaxtda kimin əvəzləyəcəyi dəqiqləşməyib. Lakin Qjeqoj artıq Polşanın bir neçə aparıcı voleybolçusu ilə məşqlərə başlayıb.

Qeyd edək ki, Bakı-2015-də 64 komandanın (32 kişi, 32 qadın) qatılacağı çimərlik voleybolu üzrə yarışlar iyunun 16-21 olacaq.  

• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub