“Avropa Oyunlarının keçiriləcəyi möhtəşəm idman qurğularını görmək və Azərbaycanın bu yarışların təşkilatçılıqla bağlı işlərdə nail olduğu inkişafa şahidlik etmək çox xoş idi”. Apasport.az saytının məlumatına görə, bu sözləri əfsanəvi üzgüçü Vladimir Salnikov deyib.

Hazırda Ümumrusiya Üzgüçülük Federasiyasının prezidenti olan Salnikov Azərbaycana işgüzar səfərini dəyərləndirib.

2015-ci ildə keçiriləcək I Avropa Oyunlarını qəbul edəcək idman qurğuları ilə tanış olan Salnikov Təşkilat Komitəsinin rəhbərləri ilə də görüşüb: “Evdə keçirilən bu səviyyəli yarışda çıxış etməyin nə olduğunu bilirəm. Hər idmançı üçün doğma torpaqda çıxış etmək böyük motivasiyadır. Əminəm ki, Avropa Oyunlarının bütün iştirakçıları bu yarışdan zövq alacaq və belə möhtəşəm şəraitdə qalib gəlməyə hazır olacaq”.

Qeyd edək ki, uzaq məsafələrə üzməkdə ad çıxaran Salnikov 1980 və 1988-ci illərdə Olimpiya Oyunlarının 4 qızıl medalını qazanıb. Los-Anceles Olimpiadasının boykot edilməsi isə onun mükafatlarının sayına mənfi təsir edib.

• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub