Üzgüçülük üzrə beşqat olimpiya çempionu, avstraliyalı Yan Trop Sidney xəstəxanalarından birinə yerləşdirilib. Apasport.az saytının məlumatına görə, idmançının ciddi infeksiyaya yoluxduğu güman edilir və bu xəstəlik onun qolunu iflic edə bilər.

Avstraliyalı üzgüçü İsveçrədə çiynindən əməliyyat olunan zaman infeksiyaya yoluxub. Hazırda Trop intensiv müalicə keçir. Amma həkimlər onun sol qolundan məhrum ola biləcəyi ehtimalının yüksək olduğunu vurğulayırlar.

Trop artıq motivasiyası olmaması səbəbindən 2006-cı ildə karyerasını bitirmişdi. O, 2011-ci ildə böyük idmana qayıtmağa cəhd etsə də, 2012-ci ildə Londonda keçirilən Olimpiadaya lisenziya qazana bilməmişdi.

Yan Trop beşqat olimpiya və dəfələrlə dünya çempionu, sərbəst üsulla 200, 400 və 800 metr məsafəyə üzgüçülükdə keçmiş dünya rekordçusudur.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"