2014-cü ilin ən məhsuldar futbolçularının siyahısı müəyyənləşib. Apasport.az saytının məlumatına görə, Beynəlxalq Futbol Tarixi və Statistikaları Federasiyası (İFFHS) ilin ilk 6 ayı ərzində klub və yığma səviyyəsində keçirilən beynəlxalq oyunlarda fərqlənənlərin siyahısını tərtib edib.

Braziliyada keçirilən dünya çempionatı bombardirlər cədvəlində ciddi dəyişikliklərə səbəb olub. Belə ki, Qana millisinin futbolçusu Asamoa Qyan Kriştianu Ronaldo və Neymar kimi ulduzları arxada qoyub. O, bu il yığmada vurduğu qolların sayını üçə çatdırıb. “Əl-Ayn”da (BƏƏ) 10-cu qolunu vuran afrikalı ümumilikdə 13 dəfə fərqlənməklə, zirvəyə yüksəlib.

Mundialda 1 dəfə fərqlənən portuqaliyalı Kriştianu Ronaldo zirvədəki yerini itirib. O, millidə 3, İspaniya “Real”ının heyətində 8 dəfə sevinib. Braziliya yığmasındakı qol sayını 8-ə çatdıran Neymar isə ümumilikdə 9 dəfə fərqlənib. Onun daha bir qolu İspaniya “Barselona”sında vurulub.

Qeyd edək ki, tərtib olunan siyahıya milli komanda və qitə kuboklarında üst-üstə ən azı 6 qol vuranlar daxil olub. Cədvəldə 28 oyunçu yer alıb.

• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub