Ağır çəkidə boks üzrə keçmiş dünya çempionu Mayk Taysona azarkeşlərinə imza payladığı mərasimi tərk etmək üçün 12 mühafizəçi tələb olunub. Apasport.az saytının məlumatına görə, Evander Holifild, Rey Leonard, Roberto Düran və Tomas Herns digər keçmiş çempionların da iştirak etdiyi mərasim Nyu-Yorkdakı ticarət mərkəzində baş tutub.

Mərasimə 700 nəfər qatılıb. Taysonla şəkil çəkdirmək istəyən hər bir azarkeş 149 dollar ödəyib. Bundan əlavə, azarkeşlərə 2 min dollarlıq VİP paket də təklif olunub. Bu paketi əldə edən hər bir şəxs beş boksçunun hamısı ilə vaxt keçirmək imkanı qazanıb.

Mayk Tayson professional rinqdə 58 görüş keçirib. O, bu görüşlərdən 50-də qələbə qazanıb (44-də nokautla), 6-da uduzub. 2 görüş baş tutmamış sayılıb. Tayson sonuncu görüşünü 2005-ci ildə keçirib və texniki nokautla uduzub.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"