Türkiyənin Samsun şəhərində keçirilən cüdo üzrə Qran-pri yarışı başa çatıb. Apasport.az saytının məlumatına görə, turnirin son günündə Azərbaycan millisi medal qazana bilməyib.

Belə ki, Hacıağa Hacıəhmədovun yetirmələrindən Ramin Qurbanov, Şahin Qəhrəmanov (hər ikisi 90 kq), Elmar Qasımov (100 kq), Uşanqi Kokauri və Vaxtanqi Bitiyev (hər ikisi +100 kq) fərqlənə bilməyiblər. Bu idmançılardan yalnız Qasımov bürünc medal uğrunda görüşdə uduzaraq, 5-ci olub.

Qeyd edək ki, yarışa 14 cüdoçu ilə yollanan yığmamızın heyətində Rüstəm Orucov gümüş medal qazanıb. Bu medal və iki 5-ci yer (Qasımov və İlqar Müşkiyev) isə millimizi 44 ölkə arasında 12-ci edib. 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"