Kişi taekvondoçulardan ibarət Azərbaycan milli komandasında baş məşqçi dəyişikliyi olub. 

Apasport.az saytının məlumatına görə, bu, Azərbaycan Taekvondo Federasiyasının İdarə Heyətinin iclasında rəsmiləşib. 

Toplantıda məşqçi-müəllimlərin fəaliyyəti, taekvondoçuların çıxışları müzakirə olunub. Verilən qərara əsasən məşqçilər heyətində müəyyən dəyişikliklər olunub. 

Öz xahişi ilə istefa verən kişilərdən ibarət milli komandanın baş məşqçisi Reza Mehmandostun yerinə Məmməd Abdullayev təyin edilib. Ona Rəşad Məmmədov köməklik edəcək. 

Sənan Həşimov isə qadınlardan ibarət milli komandanın böyük məşqçisi təyin olunub.
 

• Azərbaycan Üzgüçülük Federasiyasının İcraiyyə Komitəsinin tərkibi təsdiq edilib
• “Neftçi” İdman Klubu ötən ili 1001 medalla başa vurub
• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib