“Zirə”nin Azərbaycan Premyer Liqasının növbəti mövsümünə hazırlıq planı müəyyənləşib.

Apasport.az saytı xəbər verir ki, ilkin təlim-məşq toplanışı Bakıda baş tutacaq.

Komanda iyunun 23-də bir araya gələcək. İyulun 17-dək paytaxtda hazırlıq keçəcək “Zirə” iki yoxlama matçında qüvvəsini sınayacaq. “Qartallar” iyulun 18-də Türkiyəyə yola düşəcəklər. Qonşu ölkədə iyulun 29-dək təlim-məşq toplanışında olacaq komanda 3 yoldaşlıq oyunu keçirməyi planlaşdırır.

Qeyd edək ki, “Zirə” 2022/23 mövsümünü 5-ci pillədə başa vurmuşdu.