Daha öncə xəbər verdiyimiz kimi, “Zirə”nin futbolçusu Salifu Suma komandanı tərk etməyə yaxındır.

Apasport.az saytının əldə etdiyi məlumata görə, cinah oyunçusuna daha 3 müştəri çıxıb.

Hücumçu ilə Türkiyə nəhəngləri yaxından maraqlanır. 

"Fənərbaxça" və "Beşiktaş" "Zirə"nin futbolçusunu transfer edir?

Bu barədə insayder Serhat Kantoğlu da paylaşım edib. Onun sözlərinə görə, “Fənərbaxça” və “Beşiktaş” Suma uğrunda mübarizəyə qoşulub.

Qardaş ölkə təmsilçiləri futbolçu üçün “Zirə” ilə əlaqəyə də keçiblər. 

Lakin hələ ki, “sarı-lacivərdlilər” və “Qara qartal” Salifu üçün klubuna rəsmi təkliflə çıxış etməyiblər.

Fransa nəhəngi Suma uğrunda mübarizəyə qoşulur?

Həmçinin mətbuatda onun xidmətində Fransa “Monako”sunun da maraqlı olduğuna dair xəbərlər yayılıb.

Mənbəyə inansaq, knyazlıq təmsilçisi hələ ki, gözləmə mövqeyindədir.

"Zirə" Salifu Suma transferindən nə qədər qazanmaq niyyətindədir?

Kiyev “Dinamo”su isə gənc forvard üçün "Zirə"yə 1 milyon avro təklif edib. Amma "qartallar" Sumanı bu məbləğə buraxmaq niyyətində deyil.

Klub qvineyalının keçidindən azı 1,5 milyon avro qazanmağı planlaşdırır. 

Hazırda ukraynalılar Suma üçün yeni təklif hazırlayırlar. 

Qeyd edək ki, Sumanın qəsəbə təmsilçisi ilə müqaviləsi 2027-ci ilin yayına qədərdir.

• "Şamaxı" "Səbail"i məğlub etdi - YENİLƏNİB
• Rahid Əmirquliyev: "Yaxın illərdə “Qarabağ”la mübarizə aparan komanda görməyəcəyik"
• Azərbaycan Kuboku: Yarımfinal mərhələsinin ilk oyunlarının vaxtı bəlli olub
• Premyer Liqa: 3 turun proqramı müəyyənləşib
• "Turan Tovuz"dan növbəti transfer həmləsi - EKSKLÜZİV