Çempionlar Liqasında III təsnifat mərhələsinə start verilib.

Apasport.az saytının məlumatına görə, ilk oyunlar Kişinyovda baş tutan matçla başlayıb.

Azərbaycan çempionu “Qarabağ”ın pley-offdakı mümkün rəqibləri “Zimbru” stadionunda üz-üzə gəlib. Moldova və Çexiya çempionlarının duelində “Şerif” “Viktoriya”nı qəbul edib.

Üç qolun vurulduğu görüşdə hesabı meydan sahibləri açıb. Lakin iki dəfə fərqlənən Çexiya çempionu səfərdə əzmkar qələbə qazanıb - 2:1. Komandalar arasında cavab görüşü avqustun 9-da Çexiyada təşkil olunacaq.

Qeyd edək ki, III təsnifat mərhələsinin “Qarabağ” – “Ferensvaroş” və “Şerif” – “Viktoriya” cütlərinin qalibləri pley-offda qarşılaşacaq. Bu mərhələnin görüşləri avqustun 16-17-də və 23-24-də keçiriləcək. 
 

• A millinin Malta və San Marino ilə oyunlarının hakim təyinatları bəlli oldu
• Azərbaycan – Macarıstan: Açıq məşq və mətbuat konfransı
• Azərbaycan - Malta: Açıq məşq və mətbuat konfransı
• Futzal üzrə UEFA Çempionlar Liqasının 2026/2027 mövsümünün reqlamenti müəyyənləşib
• Yuxusuz gecələr başlayır: Dünya çempionatında kim favoritdir?