Ötən ilin sentyabr ayında Azərbaycanda keçirilmiş III MDB Oyunlarının boks üzrə bürünc medalçısı Əli Ruşanov faciəvi şəkildə vəfat edib.

Apasport.az xəbər verir ki, bir neçə gün sonra start götürəcək Azərbaycan çempionatına hazırlaşan 16 yaşlı idmançı məşq zamanı huşunu itirib.

Xəstəxanaya çatdırılsa da, boksçunun həyatını xilas etmək mümkün olmayıb.

Azərbaycan Boks Federasiyasından saytımıza verilən məlumata görə, fevralın 14-də iki yeniyetmə boksçu – Vaqif Rüfət oğlu Məhəmmədli və Əli Fazil oğlu Ruşanov arasında şəxsi məşqçilərinin istəyi ilə sınaq döyüşü (sparrinq) keçirilib.

6-7 dəqiqə davam edən sparrinq zamanı Əli Ruşanov huşunu itirərək yerə yıxılıb. Dərhal təcili tibbi yardım briqadası müdaxilə edib. O, 1 saylı Şəhər Klinik Xəstəxanasına çatdırılsa da, həyatını xilas etmək mümkün olmayıb.

Vaqif Məhəmmədli və Əli Ruşanov yaxın günlərdə keçiriləcək yeniyetmələr arasında Azərbaycan çempionatına hazırlaşmaq üçün məşqçiləri ilə birlikdə Bakıya gəliblər.

Hadisə ilə bağlı hüquq-mühafizə orqanları tərəfindən araşdırma aparılır”, – deyə federasiyanın mətbuat xidmətindən bildirilib.

• Yeniyetmə boksçularımız Şamaxıda hazırlığa başlayıb
• Boksçularımız Banqkokda Olimpiya Təsnifat Turnirində iştirak edəcəklər
• "Adriatik incisi" beynəlxalq turniri: Azərbaycandan 9 boksçu yarışacaq
• Azərbaycan çempionatının qalibləri müəyyənləşib
• Yeniyetmə boksçular arasında Azərbaycan çempionatının qalibləri müəyyənləşib