Kişi boksçulardan ibarət Azərbaycan millisi dünya çempionatına hazırlığı Gürcüstanda davam etdirəcək.

Apasport.az xəbər verir ki, yığmamız təlim-məşq toplanışının son mərhələsi üçün bu gün Qori şəhərinə yollanacaq.

Baş məşqçi Ravşan Xocayev, məşqçilər Nəriman Abdullayevlə Etibar Abdullayev heyətə Sübhan Mamedov (50 kq), Nicat Hüseynov (55 kq), Məhəmmədəli Qasımzadə (60 kq), Zaur Qəhrəmanov (65 kq), Sərxan Əliyev (70 kq), Səidcəmşid Cəfərov (75 kq), Murad Allahverdiyev (80 kq), Surət Qarayev (85 kq), Alfonso Dominqes (90 kq) və Məhəmməd Abdullayevi (+90 kq) cəlb ediblər. Komandamız Qoridə, əsasən, texniki-taktiki hazırlığa diqqət ayıracaq.

Toplanış avqustun 29-da yekunlaşacaq.

Qeyd edək ki, dünya çempionatı sentyabrın 4-14-də İngiltərənin Liverpul şəhərində keçiriləcək.

• Yeniyetmə boksçular arasında Azərbaycan çempionatının qalibləri müəyyənləşib
• Ölkə çempionatında qız boksçuların yarışı başa çatıb
• Boksçumuz beynəlxalq turnirdə 1/4 finala vəsiqə qazanıb
• Boksçumuz "Strandja" turnirində növbəti mərhələyə yüksəlib
• Boksçumuz erməni rəqibinə qalib gəldi - BEYNƏLXALQ TURNİRDƏ