Azərbaycan daha bir boksçusu Monteneqronun Budva şəhərində gənclər arasında keçirilən dünya birinciliyində finala yüksəlib.

Apasport.az xəbər verir ki, Əli Abdullayev (63,5 kq) bu hüququ əldə edib.

Boksçumuz yarımfinalda Camel Cemmala (Fransa) 4:1 hesabı ilə qalib gəlib.

Zidan Hümbətov (51 kq) və Məhəmmədəli Qasımzadə (60 kq) isə mübarizəni yarımfinalda dayandırıb. Bu nəticə onlara dünya çempionatının bürünc medalını qazandırıb. Zidan Castin Morenaya (Kolumbiya) 1:4, Məhəmmədəli isə Platon Kozlova (Rusiya) 0:5 hesabı ilə məğlub olub.

Qeyd edək ki, yığmamızın heyətində Bilalhəbaşi Nəzərov (48 kq) finala yüksələn ilk boksçu olub.

• Səidcəmşid Cəfərov yaponiyalı boksçunu məğlub edib
• Azərbaycan boksçusu almaniyalı rəqibinə qalib gəlib
• Boksçularımız “Eurasian Dauria cup”da mübarizə aparacaqlar
• Azərbaycanın daha 2 boksçusu dünya çempionatında 1/8 finala vəsiqə qazanıb
• Boksçularımız Aktauda keçirilən beynəlxalq turnirdə 2 medal qazanıblar