Azərbaycanı dünya çempionatında təmsil edəcək idmançılar müəyyənləşib.

Apasport.az xəbər verir ki, İngiltərənin Liverpul şəhərində 11 gün davam edəcək yarışda Azərbaycanın kişi boksçulardan ibarət komandası tam heyətlə çıxış edəcək.

Baş məşqçi Ravşan Xocayev, məşqçilər Nəriman Abdullayevlə Etibar Abdullayev dünya çempionatında Sübhan Mamedov (50 kq), Nicat Hüseynov (55 kq), Məhəmmədəli Qasımzadə (60 kq), Zaur Qəhrəmanov (65 kq), Sərxan Əliyev (70 kq), Səidcəmşid Cəfərov (75 kq), Murad Allahverdiyev (80 kq), Surət Qarayev (85 kq), Alfonso Dominqes (90 kq) və Məhəmməd Abdullayevə (+90 kq) şans verəcəklər.

Qadınların mübarizəsində isə ölkəmiz 1 boksçu ilə təmsil olunacaq. Baş məşqçi İlkin Ağayevin rəhbərliyi altında Aynur Mikayılova (57 kq) rinqə çıxacaq.

Bu gün Liverpula yollanan Azərbaycan millisi sentyabrın 15-də Bakıya qayıdacaq.

Qeyd edək ki, "World Boxing"in təşkilatçılığı ilə keçiriləcək ilk dünya çempionatının püşkü sentyabrın 3-də atılacaq. Yarışda 60-dan çox ölkənin 500-dək boksçusunun iştirakı gözlənilir.

• "Adriatik incisi" beynəlxalq turniri: Azərbaycandan 9 boksçu yarışacaq
• Azərbaycan çempionatının qalibləri müəyyənləşib
• Yeniyetmə boksçular arasında Azərbaycan çempionatının qalibləri müəyyənləşib
• Ölkə çempionatında qız boksçuların yarışı başa çatıb
• Boksçumuz beynəlxalq turnirdə 1/4 finala vəsiqə qazanıb