Bakıda keçirilən cüdo üzrə “Böyük Dəbilqə” turniri davam edir.

Apasport.az xəbər verir ki, Milli Gimnastika Arenasında keçirilən yarışda ümumilikdə 36 ölkədən 258 idmançı mübarizə aparır.

Turnirin üçüncü - sonuncu günündə Azərbaycanın doqquz cüdoçusu tatamiyə çıxacaq.

İki gündən sonra komandamızın hesabında 5 mükafat var. Zelim Tskayev (81 kq) qızıl, Rəşid Məmmədəliyev (73 kq) gümüş, Əhməd Yusifov (60 kq), Elşən Əsədov (66 kq) və Vüsal Qələndərzadə (73 kq) bürünc medal qazanıblar.

90 kq

Tuncay Şamil Didar Hamza (Qazaxıstan) ilə gücünü sınayacaq. Əli Qazıməmmədov Fabian Kansi (Almaniya) ilə qarşılaşacaq.

100 kq

Əjdər Bağırovun rəqibi Karamnob Saqaipov (Livan) olacaq. Davud Namazlı Niyaz Bilalovla (İJF) üz-üzə gələcək.

+100 kq

Uşanqi Kokauri Movli Borçaşvili (Avstriya) – Joao Çesarino (Braziliya) cütünün qalibini gözləyir. Camal Feyziyev Erasil Kazıbayevlə (Qazaxıstan) tatamiyə çıxacaq. Ramazan Əhmədov İbrahim Tataroğlu (Türkiyə) ilə görüşəcək. Kənan Nəsibov Yevgeni Balievski (Ukrayna) ilə qüvvəsini sınayacaq.

+78 kq

Nigar Süleymanova Kristina Qomanla (Ukrayna) mübarizə aparacaq.

• Cüdoçularımız “Böyük Dəbilqə”nin ikinci günündə 3 medal qazanıblar
• Bakı Böyük Dəbilqəsinin ikinci günündə dörd cüdoçumuz final mərhələsində
• 11 cüdoçumuz "Böyük Dəbilqə"də tatami üzərinə çıxacaq
• Cüdoçularımız "Böyük Dəbilqə"nin ilk gününü 2 medalla başa vurublar
• Cüdoçumuz "Böyük Dəbilqə"də bürünc medal qazanıb