Kişilərdən ibarət cüdo yığmamız dünya çempionatına hazırlığın son mərhələsini Bakıda davam etdirir.

Apasport.az xəbər verir ki, cüdoçularımız Milli Komandaların Təlim-Məşq Mərkəzində gün ərzində iki dəfə olmaqla intensiv məşqlərə cəlb olunublar. Məşqlərin birinci hissəsi fiziki, ikinci mərhələsi isə texniki-taktiki hazırlıqdan ibarətdir.

Toplanışa performans direktoru, kişilərdən ibarət yığmanın baş məşqçisi Riçard Trautman, böyük məşqçilər Elxan Məmmədov, Elçin İsmayılov, Robert Kravçik və Slavko Tekiç rəhbərlik edir.

Qeyd edək ki, cüdo üzrə böyüklər arasında dünya çempionatı 13–20 iyun tarixlərində Macarıstanın paytaxtı Budapeştdə keçiriləcək. Azərbaycanı bu mötəbər turnirdə 10 çəki dərəcəsində 13 cüdoçu (9 kişi, 4 qadın) fərdi yarışlarda təmsil edəcək. Yığmamız, həmçinin qarışıq komanda yarışında da qüvvəsini sınayacaq.

• Qubada cüdo məşqçiliyi ixtisası üzrə xüsusi proqrama start verilib - FOTO
• Monqolustandakı “Böyük Dəbilqə” turnirinə qatılacaq Azərbaycan cüdoçuları bəlli olub
• Cüdoçularımız təlim-məşq düşərgəsində iştirak edirlər
• Ne-vaza üzrə ACF Kuboku keçiriləcək
• Universiadada iştirak edəcək Azərbaycan cüdoçuları bəlli olub