Azərbaycan milli komandasının üzvləri Hidayət Heydərov və Nizami İmranov Niderlandın Papendal şəhərində təşkil olunan Olimpiya Təlim Düşərgəsinə qatılıblar.

Apasport.az xəbər verir ki, Avropa Cüdo Birliyinin təşkilatçılığı ilə keçirilən beynəlxalq təlim-məşq toplanışında cüdoçularımıza Azərbaycan Cüdo Federasiyasının vitse-prezidenti, Olimpiya çempionu Elnur Məmmədli rəhbərlik edir.

Müxtəlif ölkələrdən yüksək səviyyəli cüdoçuların iştirak etdiyi düşərgə intensiv məşqlər və randori sessiyalarından ibarətdir. Toplanış milli komandamızın üzvləri üçün beynəlxalq səviyyəli rəqiblərlə birgə məşq etmək, texniki-taktiki hazırlığı təkmilləşdirmək və qarşıdakı yarışlara hazırlıq baxımından mühüm əhəmiyyət daşıyır.

Papendaldakı Olimpiya Təlim Düşərgəsi avqustun 14-dək davam edəcək.

• DÇ: Hidayət Heydərov mübarizəni dayandırdı - YENİLƏNİB
• Xədicə Qədəşova mundialla vidalaşdı
• Dünya çempionatı: Cüdoçularımız tatamiyə çıxır - YENİLƏNİR
• Prezident İlham Əliyev cüdo üzrə dünya çempionatının açılış mərasimini izləyib - YENİLƏNİB
• Bakıda cüdo üzrə dünya çempionatının açılış mərasimi keçirilib