Akrobatika üzrə Dünya kuboku Bakıda keçiriləcək.
Apasport.az xəbər verir ki, yarış sabah start götürəcək.
İştirakçılar Milli Gimnastika Arenasında podium məşqlərinə başlayıblar.
Seriyanın üçüncü mərhələsi olan Dünya kubokunda yeddi ölkədən 63 idmançı mübarizə aparacaq.
Azərbaycan komandasının heyətində Raziyə Seyidli - Ağasif Rəhimov, Milana Əliyeva - Sabir Ağayev qarışıq cütləri, Murad Rəfiyev - Daniel Abbasov kişilər dueti, Rəsul Seyidli, Riad Səfərov, Seymur Cəfərov və Abdulla Əl-Meşaihidən ibarət kişilər qrupu, həmçinin Nəzrin Zeyniyeva, Anahita Bəşirli və Zöhrə Rəşidovadan ibarət qadınlar qrupu yer alıb.
İyunun 13-15-də keçiriləcək Dünya kubokunda Çin, Almaniya, Ukrayna, Qazaxıstan, Hindistan və Özbəkistandan olan akrobatlar da iştirak edəcəklər.
Oxşar xəbərlər
Ana səhifə
Bütün xəbərlər