Bolqarıstanın Burqas şəhərində keçirilən bədii gimnastika üzrə Avropa kubokunda Azərbaycan təmsilçiləri uğurlu nəticələr qazanıblar.

Apasport.az xəbər verir ki, böyüklərdən ibarət qrup hərəkətləri komandası 3 top + 2 halqa proqramında (25.150 xal) gümüş, gənclərdən ibarət qrup hərəkətləri komandası çoxnövçülük (44.000 xal) və 5 halqa (23.650 xal) proqramında ikiqat bürünc medal əldə ediblər.

İdmançılar fərdi çıxışlarda da öz bacarıqlarını məharətlə göstəriblər.

Fidan Qurbanlı gürzlərlə proqramda (25.866 xal), Şəms Ağahüseynova isə lent ilə proqramda (25.299 xal) gümüş medala yiyələniblər.

• Gəncədə Aerobika gimnastikası üzrə qitə birinciliyi davam edir - FOTO
• Gəncədə Avropa çempionatının açılış mərasimi keçirilib
• Bədii gimnastika üzrə XXX Bakı çempionatı keçiriləcək
• Gəncədə aerobika gimnastikası üzrə Avropa çempionatı davam edir
• Gəncədə Aerobika gimnastikası üzrə Avropa çempionatının açılış mərasimi keçirilib