Azərbaycanın yunan-Roma güləşçisi Orxan Həbibli Bakıda keçirilən U-17 dünya çempionatında yarımfinala yüksəlib.

Apasport.az xəbər verir ki, 65 kq çəki dərəcəsində mübarizə aparan idmançı 1/4 finalda Özbəkistan təmsilçisi Sardor Mahmudovu 9:0 hesabı ilə məğlub edərək adını yarımfinala yazdırıb.

Həbibli mundialda keçirdiyi əvvəlki görüşlərdə təsnifat mərhələsində Çexiya güləşçisi Qaspar Sançezi 8:0, 1/8 finalda isə Rumıniya təmsilçisi Qabriel Lunqunu 18:9 hesabı ilə üstələmişdi.

Qeyd edək ki, U-17 dünya çempionatı Bakıda, Milli Gimnastika Arenasında keçirilir. Yarışda 60-dan çox ölkədən 700-ə yaxın güləşçi iştirak edir. Azərbaycan mundialda 29 idmançı ilə təmsil olunur.

• Bakı Güləş Məktəbinə 47 şagird qəbul olunub
• Qadın güləşi üzrə Azərbaycan millisinin məşqçisi Həsrət Məmmədyarov vəfat edib
• Azərbaycanın 6 idmançısı çimərlik güləşi üzrə Dünya Seriyasının IV mərhələsində yarımfinala yüksəlib
• Çimərlik güləşi: Millimizin heyəti bəlli oldu
• Dünya çempionatının sonuncu günündə 2 medal