Bolqarıstanın Samokov şəhərində U20 dünya çempionatı davam edir.

Apasport.az xəbər verir ki, yarışın altıncı günündə 4 yunan-Roma güləşçimiz mübarizəyə qoşulub.

Turan Daşdəmirov (55 kq) hindistanlı Anil Mora xalların keyfiyyətinə görə (9:9), ukraynalı Nazariy Babinskiyə isə tam üstünlüklə (10:0) qalib gələrək yarımfinala yüksəlib. Güləşçimiz yarımfinalda yaponiyalı Daisuke Morişita heç bir şans tanımayıb – 10:2. Turan finalda iranlı Payam Balutakiylə güləşəcək.

Fəraim Mustafayev (67 kq) ermənistanlı Narek Qriqoryana 3:1, ukraynalı Vladislav Pokotiloya 4:3 və türkiyəli Abdullah Keskinə 7:2 hesabıyla qalib gələrək yarımfinala vəsiqə qazanıb. Milli üzvü finalın bir addımlığında rusiyalı Erzu Zakriyevə (7:14) məğlub olduğu üçün sabah bürünc medal uğrunda güləşəcək.

Seymur Qasımov (72 kq) təsnifat mərhələsində ermənistanlı Gaspar Terteryana 2:6 hesabıyla uduzub. Rəqib finaladək irəlilədiyi üçün Qasımov təsəlliverici görüşdə iştirak hüququ qazanıb.

İsmayıl Rzayev (97 kq) koreyalı Jaeno Çoini tam üstünlüklə (10:0) və ermənistanlı Qrişa Voskanyanı isə ilk xal prinsipinə əsasən (1:1) mübarizədən kənarlaşdırıb. Güləşçimiz 1/4 finalda rusiyalı İlya Komarova 3:5 hesabıyla məğlub olub.

• Yunan-Roma güləşi üzrə 5 çəkidə ölkə çempionları müəyyənləşib - FOTO
• Azərbaycan çempionatının açılış mərasimi keçirilib - FOTO
• Güləş üzrə ölkə çempionatında ikinci günün finalçıları müəyyənləşib
• Güləş üzrə Azərbaycan çempionatına start verilib
• Millinin baş məşqçisi: “Azərbaycan güləşi üçün hər zaman çalışmağa hazıram”