Qazaxıstanın paytaxtı Astanada keçirilən dünya çempionatında Azərbaycanın iki sərbəst güləşçisi yarımfinala yüksəlib.
Apasport.az xəbər verir ki, Arseniy Cioev (86 kq) və Giorgi Meşvildişvili (125 kq) medal uğrunda mübarizəni davam etdirirlər.
Cioev 1/4 finalda Yunanıstan təmsilçisi Georgios Kuqiumtsidisi məğlub edərək yarımfinala vəsiqə qazanıb. Meşvildişvili isə eyni mərhələdə türkiyəli Hakan Büyükçınqılı mübarizədən kənarlaşdırıb.
Digər təmsilçilərimizdən Nurəddin Novruzov 1/8 finalda qazaxıstanlı Asıl Aytakına, Kənan Heybətov isə 1/4 finalda ABŞ təmsilçisi Zein Rizerforda məğlub olub.
Qeyd edək ki, Azərbaycan yığması dünya çempionatında indiyədək üç medal qazanıb. Yunan-Roma güləşçilərindən Eldəniz Əzizli (55 kq) və Sənan Süleymanov (77 kq) qızıl, Nihat Məmmədli (63 kq) isə gümüş medala sahib çıxıb.
Oxşar xəbərlər
Ana səhifə
Bütün xəbərlər