Azərbaycanın sərbəst güləşçisi İbrahim Həsənov Bakıda keçirilən U-17 dünya çempionatında finala vəsiqə qazanıb.

Apasport.az xəbər verir ki, 51 kq çəki dərəcəsində mübarizə aparan güləşçimiz 1/8 finalda Gürcüstan təmsilçisi Giorgi Narimanidzeni 4:2 hesabı ilə məğlub edib.

Həsənov 1/4 finalda Hindistan idmançısı Qovind Qovindiyə 10:3 hesabı ilə qalib gələrək yarımfinala yüksəlib.

Yarımfinalda isə o, rusiyalı İslam Kuraxmayevi 10:6 hesabı ilə üstələyərək finala adlayıb.

İbrahim Həsənov qızıl medal uğrunda sabah İran təmsilçisi Benyamin Aşoften Mayvanla qarşılaşacaq.

Qeyd edək ki, U-17 dünya çempionatı Bakıda, Milli Gimnastika Arenasında keçirilir. Yarışda 60-dan çox ölkədən 700-ə yaxın yeniyetmə güləşçi iştirak edir. Azərbaycan mundialda 29 idmançı ilə təmsil olunur.

• Azərbaycan güləşçilərindən beynəlxalq turnirdə 8 medal
• Millimiz dünya çempionatına Bakıda hazırlaşır
• Bakı Güləş Məktəbinə 47 şagird qəbul olunub
• Qadın güləşi üzrə Azərbaycan millisinin məşqçisi Həsrət Məmmədyarov vəfat edib
• Azərbaycanın 6 idmançısı çimərlik güləşi üzrə Dünya Seriyasının IV mərhələsində yarımfinala yüksəlib