Türkiyənin İstanbul şəhərində yeniyetmə badmintonçular arasında beynəlxalq turnir keçirilib.

Apasport.az xəbər verir ki, Azərbaycan idmançıları 2 kateqoriya üzrə bürünc medal qazanıblar.

Komandamız “Istanbul U17 Open” turnirinə 3 qız, 2 oğlan badmintonçu ilə qatılıb. Təmsilçilərimiz oğlanların qoşa yarışlarında bürünc medala layiq görülüblər. Mübarizəyə 1/16 final mərhələsindən başlayan Ülvi Hüseynov-Əmirxan İmanov cütü ardıcıl 3 qələbə sayəsində yarımfinala yüksəlib. Duetimiz bu mərhələdə Fatih Erdoğan-Yigitcan Erol tandeminə uduzub – 15:21, 17:21.

Digər bürünc medal 13 yaşadək badmintonçuların qarışıq qoşa yarışında qazanılıb. Ömər Teymurlu Bolqarıstan təmsilçisi Kalina Koseva ilə birgə müvafiq kateqoriyada ardıcıl olaraq 3 qələbə qazanaraq turnirin yarımfinalına kimi irəliləməklə mükafatçılar sırasında yer almağı bacarıb.

• Hakimlərimiz Açıq Avropa çempionatının oyunlarına təyinat aldılar
• Azərbaycan birinciliyinin final mərhələsi keçiriləcək
• Millimiz Rusiyaya yollanıb
• "Bakı" və "Azəryol" Azərbaycan Kubokunun finalında qarşılaşacaqlar
• AHF prezidenti Avstriyaya səfər edib